MBOWE & SLAA WATOA HESHMA ZA MWISHO KWA EDSON KAMUKARA

MAMIA wamejitokeza katika kuaga mwili wa aliyekuwa Mhariri wa Mawio na Mwanahalisi online  ,Edson Kamukara aliyefariki mwishoni wiki na anatarajiwa kuzikwa  Juni 29 mkoani Kagera.

Wakizungumza wakati wa kuaga kwa aliyekuwa Mhariri wa Mawio na Mwanahalisi online  ,Edson Kamukara  wamesema ni pigo kwa tasnia ya habari kutokana na kuwa na kusimamia kitu anachoamini kwa kuzingatia maadili ya uandishi wa habari.

Akizungumza juu ya kifo chake ,Mwenyekiti wa Taifa wa Chama cha Demokrasia na Maendeleo (Chadema) Freeman Mbowe amesema kifo cha kamukara ni pigo kutokana na kuwa na msimamo wa bila kuyumbusha na bahasha.

“ Ni bora kuishi kwa kusimama kwa muda mrefu kuliko kuishi kwa kupiga magoti kwa muda mfupi hiyo ikiwa ni kuangalia kutumia kalamu kwa wanyonge bila masilahi ya wanasiasa”amesema Mbowe

Kwa upande wa Mwenyekiti wa Makampuni ya IPP.Reginard Mengi amesema Kamukara alikuwa jasiri katika kufanya mbambo yake kwa kusimamia misingi ya habari na alikuwa hangalii fedha.

“Fedha angekuwa Kamukara anaiangalia basi angekuwa tajiri kwani alikuwa ni mtu kusimamia misingi ya habari kwa ajili ya wanyonge”amesema Mengi.

Mwenyekiti wa Chama cha Demokrasia na Maendeleo  (Chadema), Freeman  Mbowe akizungumza na Katibu Mkuu wa Chama hicho,Dk.Wilbroad Slaa wakati wa kuaga Mwili wa Mhariri wa Mawio ,Edson Kamukara  katika viwanja vya Leaders Club Jijini Dar es Salaam.

 Mbunge wa Bukoba Mjini, Balozi Hamis Kagasheki (katikati)akiwa na viongozi wa Chadema ,Kushoto ni  Mwenyekiti wa Chama cha Demokrasia na Maendeleo  (Chadema), Freeman  Mbowe na Kulia ni Katibu Mkuu wa Chama hicho,Dk.Wilbroad Slaa wakati wa kuaga Mwili wa Mhariri wa Mawio, Edson Kamukara  katika viwanja vya Leaders Club Jijini Dar es Salaam.

 Mwenyekiti wa Chama cha Demokrasia na Maendeleo  (Chadema) ,Freeman  Mbowe akiteta jambo na Mkurugenzi wa Hali Halisi Publisher wachapishaji wa Mawio na Mwanahalisi Online,Sued Kubenea wakati wa kuaga Mwili wa Mhariri wa Mawio ,Edson Kamukara  katika viwanja vya Leaders Club Jijini Dar es Salaam.

 Mwenyekiti wa Makampuni ya IPP,Reginard Mengi akipeana mkono Mwenyekiti wa Chama cha Demokrasia na Maendeleo  (Chadema) ,Freeman  Mbowe wakati wa kuaga Mwili wa Mhariri wa Mawio ,Edson Kamukara  katika viwanja vya Leaders Club Jijini Dar es Salaam.

 Katibu Mkuu wa Chadema ,Dk Wilbroad Slaa akiteta jambo na Mwenyekiti wa Makampuni ya IPP, Reginard Mengi wakati wa kuaga Mwili wa Mhariri wa Mawio, Edson Kamukara  katika viwanja vya Leaders Club Jijini Dar es Salaam.

 Sehemu ya waombolezaji wa kuaga mwili wa Mhariri wa Mawio ,Edson Kamukara  katika viwanja vya Leaders Club Jijini Dar es Salaam.

Katibu Mkuu wa Chadema ,Dk Wilbroad Slaa akitoa hishima za mwisho  wakati wa kuaga Mwili wa Mhariri wa Mawio, Edson Kamukara  katika viwanja vya Leaders Club Jijini Dar es Salaam. 

Mwenyekiti wa Makampuni ya IPP,Reginard Mengi akitoa hishima za mwisho  wakati wa kuaga Mwili wa Mhariri wa Mawio, Edson Kamukara  katika viwanja vya Leaders Club Jijini Dar es Salaam.

Sehemu ya wafanyakazi wa Kampuni ya Free Media wachapishaji wa gazeti la Tanzania Daima na Sayari wakiwa katika huzuni wakati wa kuaga Mwili wa Mhariri wa Mawio, Edson Kamukara  katika viwanja vya Leaders Club Jijini Dar es Salaam. 

 

Mwenyekiti wa CHADEMA Taifa Mhe Freeman Mbowe akitoa hishima za mwisho  wakati wa kuaga Mwili wa Mhariri wa Mawio, Edson Kamukara  katika viwanja vya Leaders Club Jijini Dar es Salaam.

 

Kila aliyesimama kuzungumza aliishia kuangusha chozi; wakikumbuka kazi nzuri iliyofanywa na Kamukara, mmoja wa wandishi wa habari mahiri nchini.

Kamukara aliyefariki dunia katika mazingira yaliyosheheni utata, Alhamisi 25 Juni mwaka huu, nyumbani kwake, Mabibo jijini Dar es Salaam, anatarajiwa kuzikwa Jumatatu wiki ijayo, nyumbani kwao Muleba, mkoani Kagera.

Miongoni mwa waliofika kutoa heshima za mwisho kwa Kamukara, ni pamoja na Mwenyekiti wa Umoja wa Wamiliki wa Vyombo vya Habari nchini (MOAT), Reginald Mengi na mwenyekiti wa Chadema, Freeman Mbowe.

Wengine, ni Mbunge wa Bukoba Mjini, Balozi Khamis Sued Kagasheki; Katibu Mkuu wa Chadema, Dk. Willibrod Slaa; Katibu wa Jukwaa la Wahariri (TEF), Nevile Meen.

Meena alisema, Kamukara ni miongoni mwa waandishi wa habari wa chache nchini, wanaofanya kazi zao kwa uadilifu na kufuata miiko ya uandishi.

“Sisi katika vyombo vya habari, tulikuwa tunamuona Kamukara kama mtu ambaye anaweza kukabidhiwa jukumu kubwa la kuongoza chombo cha habari siku zijazo. Lakini leo, mwenzetu huyu ametangulia mbele ya haki. Ni vema tukamuenzi kwa kufuata nyayo zake,” ameeleza Meena.

Amesema, tasnia ya habari imempoteza mtu jasiri na aliyekuwa na weledi mkubwa katika utendaji wake wa kazi.

 “Tumepoteza mtu jasiri, mahiri, asiyedanganyika na mwenye msimamo imara katika kazi yake,” alisisitiza Meena.

Naye Mbowe alisema, maslahi ya waandishi wa habari nchini, ni duni sana. Waandishi wengi hawana bima ambazo zingesaidia familia zao.

Amesema, “Nichukue nafasi hii, hasa kwa kuwa hapa yupo mwenyekiti wa MOAT, Reginald Mengi, nitoe ombi kwa wamiliki wa vyombo vya habari, tuweke utaratibu wa kuwawekea bima ili iweze kusaidia waandishi.”

Mbowe amesema, umuhimu wa kuwa na bima ni mkubwa kwa kuwa “maslahi ya waandishi ni madogo.” Amesema, ikiwa waandishi watawekewa bima, itawasaidia kuendesha familia zao, pale wanapokutwa na mauti.

Akimzungumzia Kamukara, Mbowe alisema, “Edson (Kamukara), alikuwa mwandishi wa habari asiyetegemea bahasha.”

Amesema, “…alikuwa mkweli, mwadilifu na mchapa kazi. Ni vema waandishi wakamuenzi kwa kufuata matendo yake.”

Kwa upande wake, Mengi aliwataka waandishi wa habari kusimamia maadili katika uandishi wao, ikiwa ni pamoja na kuepuka rushwa kama alivyokuwa Kamukara.

Amesema, “Mimi sitaki kutafuna maneno. Kamukara amekufa wakati akifuatilia habari moja kubwa. Katika siku za hivi karibuni, alikataa mamilioni ya pesa ambayo aliahidiwa kama angeacha kuchunguza kuandika habari hiyo, lakini yeye alikataa kupokea pesa hizo na akaandika habari na kuitoa.”

Mengi ambaye ni Mwenyekiti wa Makampuni ya IPP amesema, waandishi hawapasi kuendekeza rushwa katika kazi zao.

“Rushwa ni tabia ya mtu, sio kwamba ukiwa na kipato kidogo ndio sababu ya kupokea rushwa.”

Mbunge wa Bukoba Mjini (CCM), Balozi Kagasheki amesema, amemfahamu Kamukara kutokana na ushujaa wake kwenye tasnia ya uandishi.

Amesema, sifa na ujasiri wa Kamukara tayari umezungumzwa na watu waliotangulia na kwamba, kinachopaswa ni kumuombea marehemu ili Mwenyezi Mungu amuweke pema.

Naye Kubenea alisema, kampuni ambayo imekuwa mwajiri wa Edson Kamukara kwa miezi minne na siku tatu sasa – HHPLimited – “imepata pigo.”

Amesema, “Ni masikitiko makubwa. Ni uchungu usio na kiwango. Ni ukiwa usiozibika. Tumeondokewa na ndugu. Tumeondokewa na rafiki. Lakini zaidi, tumeondokewa na mchapapakazi. Tulimpenda sana Edson.  Tuseme kweli; naye alitupenda.”

Amesema, “Tulifanya naye kazi kwa uelewano mkubwa. Tulithamini mawazo yake kama yeye alivyothamini ya kila mmoja wetu. Kwa hakika, tutamkosa na pengo ambalo ametuachia, haliwezi kuzibika.”

Kubenea ambaye mara kwa mara hotuba yake ilikuwa inakatizwa na kilio, aliwashukuru wote walioungana na kampuni yake katika msiba huo mkubwa.